जय जोहार…. (Raipur) नगरीय प्रसासन मंत्री डॉ. शिवकुमार डहरिया ह आज आरंग विधानसभा क्षेत्र के गांव रसनी अउ बोडरा म रद्दा निर्माण अउ सामुदायिक भवन निर्माण समेत आन काम के भूमिपूजन करीन। ए अवसर म मनखे मन ल संबोधित करत हुये मंत्री डॉ. डहरिया ह किहीन कि मनखे मन के आकांक्षा अउ उम्मीद ल प्रदेस के सरकार पुरा करत हे। गाँव, गरीब किसान अउ मजदूर मन के हित म सरकार डहार ले सरलग कदम उठाए जावत हे
मंत्री डॉ. डहरिया ह किहीन कि प्रदेस के मनखे मन ह छत्तीसगढ़ राज्य के विकास के जेन सपना देखे रिहीन, ओ हा मुख्यमंत्री भूपेश बघेल के नेतृत्व म पुरा होवत हे। विकास काम ले प्रदेस के नवा तस्वीर गढे जावत हे। (Raipur) नरवा, गरवा, घुरवा, बाड़ी अउ गौठान के माध्यम ले गांव की पुराना संस्कृति ल पुनर्जीवित करे गीस।
मंत्री डॉ. डहरिया ह (Raipur) ग्राम रसनी अउ बोडरा म करीबन 62 लाख रुपिया ले जादा के आने विकास काम के भूमिपूजन करीन। ए अवसर म जनपद पंचायत आरंग के अध्यक्ष खिलेश्वर देवांगन, चंद्रशेखर चंद्राकर, श्रीमती हेमलता साहू, श्रीमती अनिता थानसिंह साहू, कोमल साहू समेत आन जनप्रतिनिधि अउ ग्रामीण मन ह उपस्थित रिहीन।
