Raipur : नगरीय प्रशासन मंत्री ह बिरबिरा म विकास काम के दीन सौगात
जय जोहार। नगरीय प्रशासन मंत्री डॉ. शिवकुमार डहरिया ह शुक्रवार के रायपुर जिला के आरंग विकासखण्ड के ग्राम बिरबिरा म कई ठीन विकास काम के सौगात दीन। ए विकास काम म मिडिल स्कूल शेड निर्माण लागत 5 लाख रुपिया, गायत्री मंदिर शेड निर्माण लागत 5 लाख रुपिया अउ बंधिया तालाब शेड निर्माण लागत 4 लाख 80 हजार रुपिया के लोकार्पण करीन ।
वोहा बिरबिरा के आंगनबाड़ी ले बंधिया तालाब तक सी.सी. रोड निर्माण बर 10 लाख रुपिया, गोवर्धन पहाड़ म चबूतरा निर्माण बर एक लाख रुपिया अउ वार्ड 11 म सी सी रोड निर्माण काम बर दो लाख रुपिया के घोसना करीन। गांव म आयोजित मड़ई-मेला के लुत्फ लेत हुए जनप्रतिनिधि के संग मंत्री डॉ. डहरिया ह घूम-घूम के खरीदी करीन।
नगरीय प्रशासन मंत्री ह बिरबिरा म किहीन कि आरंग क्षेत्र के सबो गांव म जन सुविधा के सबो जरूरी विकास काम कराए गेहे। वो हा किहीन कि सामाजिक काम बर सर्वसुविधा युक्त भवन के जरूरत होत हे । एखर सेती सबो समाज के मनखे मन के वैवाहिक अउ अन्य सामाजिक कार्यक्रम बर सामाजिक भवन के निर्माण कराए गेहे । गांव म ग्राम विकास योजना के तहत करोड़ो रुपिया के काम करे गेहे ।
