जय जोहार। (Raipur ) नगरीय प्रसासन अउ श्रम मंत्री डॉ.शिवकुमार डहरिया ह आरंग क्षेत्र म कई ठीन कार्यक्रम म सम्मिलित होइन। ए दउरान वोहा कई निर्माण अउ विकास के काम के भूमिपूजन अउ लोकार्पण करीन । मंत्री डॉ. डहरिया ह ग्राम पारागांव म लगभग 74 लाख रुपिया के लागत ले निर्मित सासकीय हाईस्कूल भवन के उद्घाटन करीन अउ धान खरीदी केंद्र तक सीसी रोड़ निर्माण बर 5 लाख रुपिया के घोसना करीन । नगरपालिका आरंग के मंडी प्रांगण म मितानिन दीदी डहार ले विकासखंड स्तरीय स्वास्थ्य पंचायत सम्मेलन म सिरकत करीन।
(Raipur) नगरीय प्रशासन मंत्री ह स्वास्थ्य के क्षेत्र म मितानिन दीदी मन के योगदान ल बेहद महत्वपूर्ण बताइन। संगेसंग मितानिन मन के मांग म आरंग म मितानिन भवन निर्माण बर 20 लाख रुपिया के घोसना करीन। वोहा ग्राम अछोली म छत्तीसगढ़ ग्रामीण सड़क विकास अभिकरण के अंतर्गत स्वीकृत 78 लाख 31हजार रुपिया के लागत ले निर्मित होवइया सीसी रोड़ सह नाली निर्माण महामाया माता मंदिर ले कुलीपोटा खार तक के भूमिपूजन करीन ।
अइसने स्थानीय जनप्रतिनिधि अउ ग्रामीण मन के मांग म भाठापारा म सामुदायिक भवन निर्माण बर पांच लाख रुपिया के घोसना घलो करीन । कार्यक्रम म शकुन डहरिया घलो सामिल होइन अउ मितानिन दीदी मन ल संबोधित करीन ।
Other Articles
No Comment! Be the first one.