कर्मचारी मन समय ले पहिली छोड़ देथे मुख्यालय ल

नवनीत शुक्ला, मुंगेली । जिला के नवा कलेक्टर के आय ले कर्मचारी- अधिकारी मन समय म दफ्तर त आथे लेकिन जाए बर समय ले एक-दू घंटा पहिली निकल जाथे। अइसने सरकारी गाड़ी के उपयोग सरकारी काम में कम निजी काम जादा होवत हे। येखर बर कलेक्टर ल धियान दे बर पड़ही।
सरकारी काम निबटाए बर मिले सरकारी गाड़ी के उपयोग अगर अधिकारी अपन निजी काम म करथैं तौ ओला का कहे जाय। वइसे तो मुंगेली ल जिला बने 6 साल हो गे हे। अउ सरकारी नियम के हिसाब ले अधिकारी मन ल मुख्यालय म या मुख्यालय ले एक निश्चित दायरा म निवास करना हे पर आज भी कई विभाग के अधिकारी अउ कर्मचारी मन ह बिलासपुर ले आना जाना करथैं । अउ कुछ मन ह तो सरकारी गाड़ी ल बिलासपुर आय जाय बर उपयोग करथें। एखर बारे मे कोई सुनवाई तक नही हे ,,पर कलेक्ट्रेट म 4 बजथे तहाँ बिलासपुर ले आना जाना करैया कर्मचारी मन ह अपन जाय के तइयारी सुरू कर देथे । जेखर कारण संबंधित विभाग के काम काज भी प्रभावित होथे। ये मामला म हमर कलेक्टर साहब ल भी जानकारी होना चाही की ओखर कर्मचारी मन समय से पहिली मुख्यालय ल छोड़ देते थे। हमर जिला के मुखिया के कार्यभार सम्हाले के बाद कलेक्ट्रेट परिसर म बहुत सुधार होय हे। ओखर मुस्तैदी अउ कार्य के प्रति निष्ठा भाव के कारण अधिकारी अउ कर्मचारी मन सुबह के राष्टगान के समय म उपस्थित होना सुरु कर दे हे । ये हमर कलेक्टर साहब के ही देन है कि गुड मोर्निंग मुंगेली जेमा अधिकारी , कर्मचारी, लइकामन तक बढ़चढ़ के हिस्सा लेवत हे। अब अगर साहब ह ये फरमान निकाल दय की जिला म काम करैइया अधिकारी , कर्मचारी मन मुख्यालय म या मुख्यालय ले एक निश्चित दायरा म रहय । तव अउ जिला के विकास कार्य म तेजी देखे बर मिलहि। अउ सरकारी खजाना म बोझा भी कम पड़ही।