chhattisgarh म 15 ले 18 बच्छर के 60 प्रतिसत लईका मन के होय हे टीकाकरण, पढ़व

जय जोहार…. छत्तीसगढ़ (chhattisgarh ) म 15 ले 18 बच्छर के आबादी के 60 प्रतिसत किसोर मन ल कोरोना ले बचाव के पहलइया टीका लगाय जा चुके हे। ए महीना 3 जनवरी ले ए उमर वर्ग के टीकाकरण के सुरुवात होय रिहीन।

कोरिया अउ मुंगेली जिला म तीन चौथाई ले जादा किसोर मन ल टीका लगाय जा चुके हे। (chhattisgarh ) उहां क्रमस : 79 प्रतिसत अउ 75 प्रतिसत लईका मन के टीकाकरण पूरा कर ले गेहे। प्रदेस के 11 ठीन जिला म 60 प्रतिसत या एखर ले जादा किसोर मन ल कोरोना वैक्सीन के पहलइया टीका लग चुके हे। एमा कोरिया, मुंगेली, राजनांदगांव, धमतरी, रईपुर , बालोद, बेमेतरा, बिलासपुर, महासमुंद, दुर्ग अउ कांकेर सामिल हे।

कोरोना सक्रंमण ले बचाव बर अब तक कोरिया जिला म 31 हजार 229, मुंगेली म 36 हजार 287, राजनांदगांव म 69 हजार 194, धमतरी म 33 हजार 540, रईपुर म 97 हजार 357, बालोद म 32 हजार 731, बेमेतरा म 36 हजार 835, बिलासपुर म 72 हजार 924, महासमुंद म 42 हजार 663, दुर्ग म 64 हजार 932, कांकेर म 27 हजार 459, नारायणपुर म 5168, सरगुजा म 30 हजार 974 अउ गरियाबंद म 21 हजार 766 किसोर मन ल टीका लगाय गेहे ।

(chhattisgarh) कोरोनारोधी टीका के पहलइया खुराक बलौदाबाजार-भाटापारा जिला म 55 हजार 204 किसोर मन ल , कबीरधाम म 32 हजार 742, जांजगीर-चांपा म 58 हजार 762, सूरजपुर म 27 हजार 862, रायगढ़ म 50 हजार 069, बस्तर म 27 हजार 360, जशपुर म 27 हजार 009, गौरेला-पेंड्रा-मरवाही म दस हजार 692, दंतेवाड़ा म 8933, कोंडागांव म 17 हजार 512, बलरामपुर-रामानुजगंज म 21 हजार 926, कोरबा म 32 हजार 240, सुकमा म 4836 अउ बीजापुर म 4315 किसोर-किसोरी मन ल टीका लगाय गेहे।