Raipur: राजधानी म जल्दी खुलही वैद्य अस्पताल, मंत्री अकबर ह कहिन-राज्य म औषधि पौधा के उत्पादन घलो बाढ़ही

जय जोहार…. (Raipur) वन अउ जलवायु परिवर्तन मंत्री मोहम्मद अकबर आज छत्तीसगढ़ आदिवासी स्थानीय स्वास्थ्य परंपरा अउ औषधि पादप बोर्ड के तरफ ले आयोजित वेबिनार म वर्चुअल होइन हे । ए अवसर म वन मंत्री अकबर ह कहिन कि छत्तीसगढ़ म औषधीय पौधा के विस्तार के व्यापक संभावना हे। वो है कहीं कि राज्य म औषधीय पौधा के खेती ले दुसरइया फसल के तुलना म किसान मन ल जादा आय प्राप्त होही। । एखर ले राज्य म गुणवत्ता युक्त औषधीय पौधा के उत्पादन घलो बाढ़ही ।

वन मंत्री अकबर ह मुख्यमंत्री वृक्षारोपण प्रोत्साहन योजना का जिक्र करत हुये बताईस कि एखर तहत (Raipur) ए बच्छर धान के फसल बर इनपुट सब्सिडी 9000 रुपया हरेक एकड़ अउ धान के स्थान म दुसरइया फसल ल लगाए जाय बर 10000 रुपया हरेक एकड़, वृक्ष प्रजाति के रोपण बर तीन बच्छर बर हरेक बच्छर 10000 रुपया इनपुट सब्सिडी हरेक एकड़ दे जाहि।

(Raipur) ए अवसर म राज्य वन औषधि पादप बोर्ड के अध्यक्ष पाठक ह कहिन कि बोर्ड के तरफ ले राज्य म मुख्यमंत्री भूपेश बघेल के मंशा के अनुरूप अउ वन मंत्री अकबर के दिशा-निर्देशन म औषधीय पौधा के विस्तार अउ परंपरागत वैद्य चिकित्सा प्रणाली ल विकसित करे बाए हरसंभव प्रयास करे जावत हे। एखर तहत परंपरागत वैद्य के प्रोत्साहन बर राजधानी रायपुर के पण्डरी म जल्दी ‘वैद्य अस्पताल’ संचालित करे के योजना हे।