लालतंत्र म भारी पड़िस लोकतंत्र…बस्तर म वोटिंग बर दिखत हे उत्साह

जगदलपुर. लोकसभा चुनाव के पहिली चरन म आज छत्तीसगढ़ के बस्तर सीट म वोटिंग सुबह सात बजे ले सुरू हो गे हे. नक्सल प्रभावित ये सीट म शांतिपूर्ण मतदान कराना शासन-प्रशासन बर चुनऊती हे. नक्सल प्रभावित क्षेत्र दंतेवाड़ा अउ सुकमा म के पहिली चरन के मतदान म लोग बढ़चढ़ के हिस्सा लेवत हे. बिहनिया ले ही मतदान केंद्र मन म लोगन के भीड़ लगे है. दंतेवाड़ा म बड़का संख्या म लोगन निकलके वोट करे बर पहुंचत हवय. दू दो दिन पहिली इहां नक्सली मन ह आईईडी ब्लास्ट कर विधायक समेत पांच लोगन के हत्या कर देय रिहिस हे.

दंतेवाड़ा के कुआकोंडा के हल्बारास पोलिंग बूथ म नक्सली मन के टांगे पोस्टर म मतदान न करे के उल्लेख हे. मतदान दल अउ सुरक्षा जवान मन ह बैनर हटाइस. इहां मतदान चालू हवय. बूथ ले लगे पहाड़ी मन म भारी संख्या म नक्सली मन के मऊजूदगी के खबर. सुरक्षाबल घलो मुस्तेद हवय. ये मामला कुआकोंडा थाना क्षेत्र के हे.

देश के हित म मताधिकार के प्रयोग करव : बैदूराम कश्यप
बस्तर (एसटी) लोकसभा संसदीय सीट ले भाजपा के प्रत्याशी बैदूराम कश्यप ह लोकतंत्र के महापर्व म हिस्सा लेवत हुए जगदलपुर म अपन मताधिकार के प्रयोग करत हुए मतदान म हिस्सा लीस. भाजपा प्रत्याशी बैदूराम कश्यप के सीधा मुकाबला कांग्रेस के दीपक बैज के संग हे. भाजपा प्रत्याशी बैदूराम कश्यप ह लोगन ले अपील करत हुए कहिन “बस्तर के मतदाता मन ले अपील करत हव के देश के हित म मताधिकार के प्रयोग करव”.

हाइलाइट्स

घोर नक्सल प्रभावित सुकमा म वोटिंग ल लेके लोगन म उत्साह

बस्तर म तिलक लगाके मतदाता अपन मताधिकार के प्रयोग करत हवय

दंतेवाड़ा के किरंदुल के गजराज कैम्प के ईवीएम हुोइस खराब. अधिकारी पहुंचिन मतदान केंद्र.

घोर नक्सल प्रभावित सुकमा म वोटिंग बर लोगन म उत्साह.

बीजापुर म वोटिंग बर लगिस लाइन.

बस्तर के कोड़ेनार म वोटिंग.

मतदान के दउरान नारायणपुर म नक्सली मन करिन आईईडी ब्लास्ट.

सुकमा जिला के कोंटा विधानसभा क्षेत्र म बिहनिया ले ही मतदान बर भारी भीड़ देखे जात हे.

दंतेवाड़ा म बड़का संख्या म लोगन निकलके वोट करे बर पहुंचत हवय.