वेदांता पावर के ‘आरोग्य परियोजना’ ले 1500 जरूरतमंद ल मिलिस प्राथमिक स्वास्थ्य सुविधा

सिंघीतराई, सक्ती, वेदांता लिमिटेड छत्तीसगढ़ थर्मल पावर प्लांट (व्हीएलसीटीपीपी) कोति ले चलाय जावत चलत-फिरत स्वास्थ्य इकाई (मोबाइल हेल्थ यूनिट) कतकोन बीमारी ल रोके बर बड़े काम करत हे। सामुदायिक विकास परियोजना ‘आरोग्य’ के तहत ग्राम पंचायत सिंघीतराई, ओड़ेकेरा अउ निमोही म लगाय स्वास्थ्य शिविर के जरिया लोगन मन ल स्वास्थ्य के प्रति जागरूक करे जावत हे। एखर संग-संग शिविर के जरिया जरूरतमंद ल मुफ्त म दवई अउ डॉक्टर कोति ले स्वास्थ्य सलाह दिय जावत हे। वित्तीय बछर 2026-27 म ‘आरोग्य परियोजना’ के जरिया अभी तक लगभग 1500 गांव वाले ल अलग-अलग किसम के इलाज के सुविधा दिय गिस। ए परियोजना ल स्वयंसेवी संगठन पीएचडी रूरल डेवलपमेंट फाउंडेशन, नई दिल्ली के सहयोग ले पूरा करे जावत हे।

चलत-फिरत स्वास्थ्य इकाई ल चलाय के मुख्य उद्देश्य जादा ले जादा लोगन मन तक स्वास्थ्य के जानकारी पहुँचाना हे। अपन ए अभियान म वेदांता पावर पूरा तरीका ले सफल रहिस हे। वेदांता के शिविर ले लगभग 7000 लोगन मन ल उम्मीद के नवा अंजोर मिलिस हे। ए चलत-फिरत स्वास्थ्य शिविर के सबले बड़े उपलब्धि ये हे कि अब गांव वाले ल बहुत हद तक झोलाछाप डॉक्टर ले छुटकारा मिल गे हे। गांव वाले ल डॉक्टर अउ पैरामेडिकल स्टाफ कोति ले स्वास्थ्य रक्षा के महत्व ल बताय जावत हे।

‘आरोग्य परियोजना’ ले गांव वाले ल प्राथमिक इलाज बर सहर कोति जाय ले घलो राहत मिलिस हे अउ एखर ले ओ मन के समय के बचत घलो होवत हे। शिविर के माध्यम ले लोगन ल नीक खान-पान अउ साफ-सफाई के महत्व ल बताय जाथे। ए स्वास्थ्य इकाई म एमबीबीएस डॉक्टर के संग दूसर प्रशिक्षित स्वास्थ्य कर्मचारी अपन सेवा देवत हें। पहिली ले तय करे जगह म हर दिन स्वास्थ्य शिविर लगाय जाथे, जिहां जरूरतमंद ल मुफ्त सलाह अउ इलाज के सुविधा मिलत हे। सुगर (मधुमेह), बीपी (उच्च रक्तचाप), खून के कमी संग दूसर आम बीमारी के जांच के सुविधा ए इकाई म हावे। सामान्य बीमारी बर दवई मुफ्त म उपलब्ध हे।

चलत-फिरत स्वास्थ्य इकाई के माध्यम ले गांव वाले ल मिलत सुविधा ऊपर वेदांता पावर बिजनेस के मुख्य कार्यकारी अधिकारी (CEO) राजिंदर सिंह आहूजा ह कहिन कि— ‘‘स्वस्थ भारत बनाय के सपना के अनुरूप वेदांता पावर हरसंभव मदद बर तैयार हे। गांव वाले इलाका म स्वास्थ्य सुविधा ल अउ बने बनाय के दिशा म सरकार, स्वास्थ्य सेवा संस्थान, उद्योग अउ समाज ल एक संग मिलके काम करे के जरूरत हे। आरोग्य परियोजना के जरिया हमर लक्ष्य जरूरतमंद मन ल बढ़िया स्वास्थ्य सुविधा उपलब्ध कराना हे ताकि ओ मन ल स्वस्थ अउ मजबूत जिनगी जिए म मदद मिल सके।’’

व्हीएलसीटीपीपी के मुख्य प्रचालन अधिकारी (COO) देवेंद्र कुमार पटेल ह कहिन हे कि चलत-फिरत स्वास्थ्य इकाई ले ग्रामीण महिला, मनखे अउ लइका मन ल बहुत फायदा मिलत हे। श्री पटेल ह कहिन कि स्वास्थ्य के प्रति जागरूकता के नजरिया ले व्हीएलसीटीपीपी के ये पहल बहुत जरूरी हे। श्री पटेल ह कहिन कि बढ़िया स्वास्थ्य के दिशा म वेदांता पावर प्रबंधन गांव वाले के हरसंभव मदद बर तैयार हे।

ग्राम पंचायत सिंघीतराई के सरपंच प्रतिनिधि घुरवा राम सिदार ह बताथें कि गांव वाले इलाका म इलाज के सुविधा पहुँचाय बर वेदांता पावर ह सराहनीय काम करत हे। अभी के समय म चलत-फिरत स्वास्थ्य शिविर के जरिया गांव वाले के स्वास्थ्य के पूरा ध्यान रखे जावत हे। ग्राम पंचायत ओडेकेरा के सरपंच प्रतिनिधि चंद्रिका चौहान अउ निमोही सरपंच पारसमणि गभेल संग कतकोन गांव वाले के कहना हे कि वेदांता पावर के चलत-फिरत इलाज शिविर के जरिया ओ मन ल सबो जरूरी दवई मन मिल जाथे।

गांव म ही शिविर लगे ले जादातर गांव वाले ल जाय-आये के साधन के अगोरा (इंतजार) करे बर नई लगय। अब ओ मन पैदल ही इलाज बर पहुँच जाथें। लइका मन अउ गरभवती महतारी मन ल बढ़िया सुविधा मिलत हे। वेदांता पावर के डॉक्टर मन ले स्वास्थ्य के देखभाल बर सलाह घलो मुफ्त म मिलथे।