जय जोहार। (chhattisgarh ) कुम्हारी म करीबन 5 करोड 72 लाख रुपिया के विकास काम के लोकार्पण अउ एक करोड़ 52 लाख के काम के भूमि पूजन के अवसर म पहुंचीन मुख्यमंत्री भूपेश बघेल ह थोक सब्जी मंडी निर्माण के बड़का घोसना करीन। कुम्हारी म 23 करोड रुपिया के लागत ले ये सब्जी मंडी तैयार होही । एखर संगेसंग कुम्हारी नगर पालिका के सबो स्कूल के जीर्णाेद्धार के घलो मुख्यमंत्री ह घोसना करे हे। वो हा महामाया उद्यान के बगल ले लगे खदान के जीर्णाेद्धार के घलो घोसना करीन हे।
(chhattisgarh ) ए मउका म मुख्यमंत्री ह किहीन कि कुम्हारी क्षेत्र म 94 करोड़ के विकास काम अभी चलत हे अउ 100 करोड रुपिया के विकास काम अभी सुरु होही। वो हा किहीन कि ए 3 ठीन बछर म कुम्हारी के सूरत ह तेजी ले बदले हे । कोनो भी मनखे जब 3 बछर बाद कुम्हारी पहुंचय त ए सहर म बड़का बदलाव ल महसूस करही ।
मुख्यमंत्री ह किहीन कि कुम्हारी के गौठान ह अच्छा तरीका ले संचालित होत हे। (chhattisgarh ) इहां स्व सहायता समूह के महिला मन ह केला के खेती करत हे अउ एला बेचत हे। इहां गोबर के घलो बड़का पैमाना म उत्पादन होत हे। मुख्यमंत्री ह किहीन कि गोबर ले बिजली बनाय के संभावना म घलो विचार करे जा सकत हे। गोबर ले बिजली बनाय म सरकार काम करत है।
