जंगली जानवरों ले होवइया जनहानि म अब मिलही 6 लाख रूपिया

रायपुर। राज्य शासन ह हिंसक जंगली जानवरों ले होवइया जनहानि म जेन सहायता राशि देवत रिहिस हे ओ सहायता राशि ल अब बढ़ा दे हे। राज्य शासन ह एक आदेश जारी कर हिंसक वन्यप्राणी शेर, तेंदुआ, जंगली हाथी, भालू, लकड़बग्घा, भेड़िया, जंगली सुअर संग अन्य हिंसक वन्य प्राणी ले जनहानि होए म जेन सहायता-क्षतिपूर्ति राशि पहिली 4 लाख रूपिया देवत रिहिस ओला बढ़ा के अब 6 लाख रूपिया कर दे गे हे।