Chhollywood: फिलिम जोहार छ्त्तीसगढ़ ल दर्शक मन ह करिन दुबारा पसंद
जय जोहार…. (Chhollywood) निर्माता-अभिनेता राज साहू अऊ अभिनेता देवेंद्र जांगड़े के निर्देशन म बने जोहार छत्तीसगढ़ ल दर्शक मन ह बेहद पसंद करे रिहिन। दीपावली के अवसर म दर्शक मन के मांग पर पुन: 15 नवंबर ले श्याम टाकिज म ए फिलिम के दुबारा रिलीज करे गे हे।
ए (Chhollywood) फिलिम म डेब्यू करत अभिनेता राज साहू ह कहिन कि सिरिफ एक अभिनेता ही नई नवोदित कलाकार के तौर म अपन प्रतिभा के प्रदर्शन ह इंडस्ट्रीज के दिग्गज अदाकारा के संग कदम पे कदम मिला के अभिनय करना ह वाकई सपना ल सच करे जइसे होवत हे।
फिलिम म राज साहू के संग सोनाली सहारे अऊ देवेंद्र के संग शिका चिदम्बरे के जोड़ी ह दिखाई देही। (Chhollywood) ए फिलिम के मुख्य कलाकार अनिल शर्मा, पुष्पेंद्र सिंह, विक्रम राज, उपासना वैष्णव, हेमललाल कौसल, निशांत उपाध्याय, क्रांति दीक्षित, किशोर मंडल हे। संगीत सूरज महानंद ह दे हे। गीत म सुनील सोनी, अनुराग शर्मा, अलका चंद्राकर अऊ चंपा निषाद ह अपन आवाज दे हे।
