Chhallywood: जेला रुपहला पर्दा म देखत रिहिस आज ओखरे संग करत हे फिलिम निर्माण, छाती गांव के विजय चंद्राकर ह कूद गे हे फिलिम निर्माण म

जय जोहार…. (Chhallywood) धमतरी जिला के गांव छाती म पले बढ़े दाऊ विजय चंद्राकर ह अपन गांव ले तिहार नाम के लोकमंच संस्था चलाथे, ओमन के शुरू से लोक कला कोती झुकाव रिहिस,

(Chhallywood) छत्तीसगढ़ी सिनेमा के अभिनेत्री उर्वशी साहू के अदाकारी के कायल अऊ फैन होय के बाद जब मन ल लघु फिलिम चीख के कहानी सुनाए गिस त ओमन झट ले तैयार होगे ओखर निर्माण कर बर,
दाऊ विजय चंद्राकर ह किहिस कि चीख के कहानी मोला अंदर से झकझोर दिस अऊ में अपन आप ल रोक नई सकेंव एखर निर्माण कर बर,

आज चीख ह यु टयूब म अपलोड होगे हे अऊ ओला अच्छा प्रतिसाद मिलत हे, एखर निर्देशन उर्वशी ह करे हे , (Chhallywood) कैमरा अऊ संपादन लक्ष्मण यादव करे हे, बता दन कि चीख म प्रतिभा चौहान अऊ यश साहू ह अभिनय कर हे, विजय चन्द्राकर ह किहिस कि अब उर्वशी संग मिल के लगातार फिलिम निर्माण करे जाही।