जय जोहार धमतरी…. पुलिस अधीक्षक बीपी राजभानु के निर्देशन अऊ अतिरिक्त पुलिस अधीक्षक मनीषा ठाकुर रावटे के मार्गदर्शन म वैश्विक महामारी कोरोना वायरस के नियंत्रण अऊ रोकथाम बर धमतरी पुलिस ह सरलघा लाकडाउन के दौरान अपन कर्तव्य के निर्वहन करत हे। पुलिस अधीक्षक बीपी राजभानु स्वयं जिला के नाकेबंदी पाइंट अऊ फिक्स पाइंट के अवलोकन कर ड्यूटीरत जवान मन के सुरक्षात्मक तरीका ले कर्तव्य निर्वहन बर ओखर मनोबल ल बढ़ात हे।
आम जनता के सुरक्षा के प्रति धमतरी पुलिस के संवेदनशीलता अऊ कार्यशैली के परिणाम स्वरूप विगत दिन जब धमतरी पुलिस ह प्लैग मार्च करिन। त धमतरी के जनता जनार्दन ह फूल के बारिश करत हुए स्वागत अऊ सम्मान करिन। इहीं प्रकार थाना मगरलोड के अंतर्गत चौकी करेली बड़ी के ग्राम चंदना के ग्रामवासी मन ह चौकी प्रभारी उपनिरीक्षक भूपेंद्र चंद्रा अऊ ओखर स्टाफ के तरफ ले कोरोना वायरस संक्रमण ले बचाव बर करे जात कार्य के प्रशंसा करत हुए सम्मान करिस।
