mahasamund : पंचायत प्रतिनिधि अउ ग्रामीण मन ह करीन संसदीय सचिव ले मुलाकात, ग्राम विकास ल लेके करे हे चर्चा

जय जोहार । (mahasamund ) ग्राम पंचायत साराडीह के पंचायत प्रतिनिधि अउ ग्रामीण मन ह संसदीय सचिव अउ विधायक विनोद सेवनलाल चंद्राकर ले मुलाकात कर गांव म विकास काम ल लेके चर्चा करीन। संगेसंग आने आने मांग के डहार ध्यानाकर्षित कराइन । जेमा संसदीय सचिव श्री चंद्राकर ह उचित पहल करे के आश्वासन दीन ।

(mahasamund ) आज पंचायत प्रतिनिधि अउ ग्रामीण मन ह संसदीय सचिव निवास पहुंचीन। ए दउरान संसदीय सचिव श्री चंद्राकर ले मुलाकात कर गांव म विकास ल लेके चर्चा करीन । संगेसंग गांव म मुख्य मार्ग ले करण बघेल घर तक, बीजपारा जैतखाम ले बजरंग बली मंदिर तक, साहूपारा म तेली तालाब ले पुरानिक चंद्राकर घर तक सीसी रोड निर्माण, वार्ड क्रं दो अउ चार म सार्वजनिक रंगमंच निर्माण, मुक्तिधाम अउ बाजार वार्ड म बोर खनन, बड़े तालाब अउ तेली तालाब म अहाता निर्माण, प्राथमिक शाला म सांस्कृतिक मंच निर्माण, वार्ड क्रं 9 शीतला मंदिर के तीर अउ नेवरियापारा म शेड निर्माण बर ध्यानाकर्षित कराइन ।

(mahasamund ) मुलाकात करइया म ग्राम पंचायत के सरपंच साजन यादव, गौठान अध्यक्ष पवन चंद्राकर, राधे चंद्राकर, पंच सूरज गायकवाड़, संतोषी सुरेश कुर्रे, रामनारायण साहू, पुरुषोत्तम सिंग चौहान, भगवान चंद्राकर, शिवचरण निर्मलकर, सुशीला साहू, बेनु धीवर, गंगा धीवर, मनमत साहू, मीना निर्मलकर ह सामिल रिहीन।