प्रधानमंत्री आवास योजना ले विनोद बिहारी के अधूरा सपना होइस साकार

रायपुर। महल हो या झोपड़ी, अपन घर अपन होथे, हर व्यक्ति के एक सपना होथे कि छांव बर उसका एकठन खुद के घर हो। इही सपना ल सरकार ह साकार करत हे। समाज के आर्थिक रूप ले कमजोर तबका के भलाई बर सरकार ह प्रधानमंत्री आवास योजना संचालित करत हे। ए योजना ले जरूरत मंद लोगन मन के आवास घलो स्वीकृत करे जात हे।

प्रधानमंत्री आवास योजना (शहरी) ले जिला के गरीब परिवार मन के सपना पूरा होवत हे। इही योजना के माध्यम ले महासमुंद जिला के सरायपाली वार्ड क्रमांक 15 के महल पारा म रहइया 63 वर्षीय विनोद बिहारी कर के कइ बछर जुन्ना सपना साकार होइस। विनोद, जेन कपड़ा के गट्ठा लेके साइकिल म अलग-अलग बाजार म जाके अपनी आजीविका चलाथे, उखर जीवन हमेशा संघर्षमय रहिन। उखर आय सीमित होए के सेती पक्का मकान के सपना केवल एक कल्पना बनके रहिगे हे। उखर परिवार म उखर पत्नी कविता कर हें। बरसात के मौसम म उखर कच्चा मकान गिरे के हमेशा डर बने रहत रिहीन।

    दु बछर पहली, नगर पालिका द्वारा प्रधानमंत्री आवास योजना के तहत उखर वार्ड म सर्वे अउ जागरूकता शिविर आयोजित करे गिस। योजना के जानकारी मिले म विनोद बिहारी ह आवेदन भरिस अउ उखर नाम स्वीकृत होइस। सरकार ले मिली सहायता राशि ह उखर सपना ल हकीकत म बदल दिन। आज विनोद बिहारी के पक्का मकान तैयार हो चुके हे। अपन खुशी जाहिर करत वो कहिन, “में कभु नई सोचे रेहेव कि मोर अपन पक्का मकान होहि। ए सपना प्रधानमंत्री आवास योजना ह पूरा करिन। अब में अउ मोर पत्नी सुरक्षित महसूस करत हें। में प्रधानमंत्री नरेंद्र मोदी अउ मुख्यमंत्री विष्णु देव साय के हृदय ले आभार व्यक्त करत हों। ”प्रधानमंत्री आवास योजना हम जइसन गरीब अउ समाज के कमजोर वर्ग ल सशक्त अउ आत्मनिर्भर बनाए के एक बड़ा माध्यम बन गे हे।