Chhattisgarh: वर्चुअल मैराथन दौड़ म भाग ले बर अब 12 दिसंबर तक करा सकथे पंजीयन, पढ़ो पूरा खबर

जय जोहार…. (chhattisgarh) प्रदेश सरकार के सेवा-जतन-सरोकार के दू साल पूरा होय म छत्तीसगढ़ म पहिली बार 13 दिसंबर के वर्चुअल मैराथन दौड़ के आयोजन करे गे हे। एखर बर अब तक 57 हजार प्रतिभागी मन ल आनलाइन पंजीयन कराये हे।

ए वर्चुअल मैराथन म भाग ले बर पंजीयन के आखिरी तारिख ह 10 दिसंबर तक रिहिन, लेकिन खिलाड़ी अऊ लोगन मन के उत्साह ल देखत हुये पंजीयन के तारिख ल अब 12 दिसंबर तक कर दे गे हे।

खेल अऊ युवा कल्याण विभाग के तरफ ले प्रदेशवासी मन ले कोविड-19 के नियम के पालन करत हुये वर्चुअल मैराथ दोड़ के आयोजन म सहभागी बने के अपील करे गे हे। (chhattisgarh) वर्चुअल मैराथन दौड़ के प्रतिभागी ह कहीं समूह म एकत्रित नई होही।

प्रतिभागी ह घर, उद्यान, मैदान, सड़क या आन कोनो सुरक्षित स्थान म सोशल डिस्टेंसिंग के पालन करत हुए दौड़ही। (chhattisgarh) ए दौरान कुछु सेकंड के वीडियो अथवा फोटो ल 13 दिसंबर के बिहनिया 6 बजे ले 11 बजे तक हैशटैग #runwithchhattisgarh के संग फेसबुक अऊ ट्वीटर म अपलोड कर सकही।

प्रदेश के इच्छुक प्रतिभागी ह खेल अऊ युवा कल्याण विभाग अऊ जनसंपर्क के वेबसाइट
http://www.sportsyw.cg.gov.in अऊ http://jansamprak.cg.gov.in अऊ http://dprcg.gov.in म पंजीयन करा सकत हे।