chhattisgarh: वर्चुअल मैराथन दौड़ के आयोजन होही 13 दिसंबर के, भाग ले बर आज हे पंजीयन के आखिरी तारिख
जय जोहार…. (chhattisgarh) प्रदेश सरकार के सेवा-जतन-सरोकार के दू साल पूरा होय म छत्तीसगढ़ म पहिली बार 13 दिसंबर के वर्चुअल मैराथन दौड़ के आयोजन करे गे हे। एखर बर अब तक 46 हजार प्रतिभागी मन ल आनलाइन पंजीयन कराये हे। वर्चुअल मैराथन म भाग ले बर 10 दिसंबर तक पंजीयन करे जाही।
खेल अऊ युवा कल्याण विभाग के तरफ ले प्रदेशवासी मन ले कोविड-19 के नियम के पालन करत हुये वर्चुअल मैराथ दोड़ के आयोजन म सहभागी बने के अपील करे गे हे। (chhattisgarh) वर्चुअल मैराथन दौड़ के प्रतिभागी ह कहीं समूह म एकत्रित नई होही। प्रतिभागी ह घर, उद्यान, मैदान, सड़क या आन कोनो सुरक्षित स्थान म सोशल डिस्टेंसिंग के पालन करत हुए दौड़ही।
(chhattisgarh) ए दौरान कुछु सेकंड के वीडियो अथवा फोटो ल 13 दिसंबर के बिहनिया 6 बजे ले 11 बजे तक हैशटैग #runwithchhattisgarh के संग फेसबुक अऊ ट्वीटर म अपलोड कर सकही। राज्य के हरेक जिला म प्रथम 300 ले 500 तक पंजीयन करइया प्रतिभागी मन ल टीशर्ट प्रदान कर प्रोत्साहित करे जाही।
