Chhattisgarh भाजपा किसान मोर्चा के काली होही बइठक, मोर्चा के राष्ट्रीय अध्यक्ष राजकुमार चाहर ह करही संबोधित

जय जोहार…. (Chhattisgarh) छत्तीसगढ़ भाजपा किसान मोर्चा के वर्चअल बठक ह काली संझा 6 बजे ले होही। ए बइठक ल भाजपा किसान मोर्चा के राष्ट्रीय अध्यक्ष राजकुमार चाहर अउ छत्तीसगढ़ भाजपा के प्रदेश अध्यक्ष विष्णुदेव साय ह संबोधित करही। ए बइठक के अध्यक्षता ल किसान मोर्चा के प्रदेश अध्यक्ष श्याम बिहारी जायसवाल ह करही।

प्रदेश (Chhattisgarh) किसान मोर्चा के मीडिया प्रभारी अजय साहू ह बताईस कि ए बइठक म प्रदेश पदाधिकारी, कार्य समिति के सदस्य अउ महामंत्री ह आपेक्षित हे। ए बइठक म संगठनात्मक चर्चा के आलावा कोरोना संक्रमण काल म किसान मोर्चा के तरफ ले करे गे कई कार्य अउ महत्वपूर्ण विषय म चर्चा करे जाही।

वो हा बताईस कि ए बइठक म किसान मोर्चा के राष्ट्रीय महामंत्री शंभू कुमार अउ नवनियुक्त राष्ट्रीय मंत्री पिंकी शाह, किसान मोर्चा के (Chhattisgarh) प्रदेश प्रभारी संदीप शर्मा बिसेस रूप ले उपस्थित रही। बइठक के संचालन ल प्रदेश महामंत्री युधिष्ठिर चंद्राकर अउ द्वारिकेश पांडेय ह करही।