Raipur : विश्वभूषण हरिचंदन ह छत्तीसगढ़ के राज्यपाल पद के लीन सपथ

जय जोहार। (Raipur ) विश्वभूषण हरिचंदन ह आज राजभवन के दरबार हॉल म आयोजित गरिमामय समारोह म छत्तीसगढ़ के नौवां राज्यपाल के रूप म अपन पद के सपथ लीन। उच्च न्यायालय के मुख्य न्यायाधिपति न्यायमूर्ति अरूप कुमार गोस्वामी ह ओमन ल सपथ दिलाईन। राज्यपाल श्री हरिचंदन ह हिंदी म ईश्वर के नाव म सपथ लीन। ए अवसर म प्रथम महिला सुप्रभा हरिचंदन उपस्थित रिहीन ।

प्रदेस के मुख्यमंत्री भूपेश बघेल, उच्च न्यायालय बिलासपुर के मुख्य न्यायाधिपति न्यायमूर्ति अरूप कुमार गोस्वामी , विधानसभा अध्यक्ष डॉ. चरणदास महंत ह राज्यपाल श्री हरिचंदन ल पुष्पगुच्छ भेंटकर ओखर अभिवादन करीन अउ सुभकामना दीन ।

समारोह म मुख्य सचिव अमिताभ जैन ह विश्वभूषण हरिचंदन ल छत्तीसगढ़ के राज्यपाल नियुक्त करे बर राष्ट्रपति डहार ले जारी वारंट ऑफ अपॉइंटमेंट ल पढ़ीन। सपथ ग्रहण समारोह के सुभारंभ अउ समापन सेरेमोनियल पुलिस बैंड डहार ले बजाए गे राष्ट्रगान के संग होइन । ए अवसर म राज्य गीत के धुन घलो बजाए गीन । सपथ ग्रहण के बाद राज्यपाल विश्वभूषण हरिचंदन ल गार्ड ऑफ ऑनर दे गीन ।