प्रतीक्षा सूची ले व्याख्याता पद म नियुक्ति 31 तक

रायपुर। जेन जिला पंचायत मन म उपलब्ध पद मन म ले व्याख्याता के सेस रिक्त पद मन म प्रतीक्छा सूची ले नियुक्ति के कार्रवाई 18 जून 2018 के पहिली प्रक्रियाधीन रहिन हे, उमन ल 31 जुलाई तक हर हाल नियुक्ति ल पूरा करना हे। 31 जुलाई के बाद नियुक्ति नइ करे के निरदेस देय गेहे। ये आदेस आज पंचायत विभाग के उपसचिव ह राज्य के सबो जिला पंचायत मन के सीईओ ल जारी करिस।
छत्तीसगढ़ म व्याख्याता पंचायत के खाली पद मन म नियुक्ति के प्रक्रिया 31 जुलाई तक पूरा करे के निरदेस दे. गिस हे। पंचायत विभाग के उपसचिव ह ये आसय के आदेस राज्य के सहो जिला पंचायत मन के सीईओ ल जारी करे हे। ये प्रक्रिया ल 8 साल के सेवा पूरा कर चुके शिक्षक मन के संविलियन होय के कारन स्थगित करे गे रहिस हे।
दरअसल, कई जिल मन म सिक्छाकरमी मन के संविलियन के कारन नवा भरती के प्रक्रिया म रोक देय गिस हे। उल्लेखनीय हे के बठर 2017-18 म पंचायत बिभाग ह अलग-अलग बिसय मन बर व्याख्याता पंचायत यानी सिक्छाकरमी वरग 1 के सीधी भरती बर जिला पंचायत ल पद उपलब्ध कराय गिस हे। येकर बर व्यवसायिक परीक्षा मंडल के माध्यम ले परीक्छा आयोजित कर जिला पंचायत मन ह नियुक्ति के कार्रवाई करिन।बिभाग ह ये जानकारी के आधार म के कई जिल मन म प्रतीक्षा सूची ले व्याख्याता पंचायत के नियुक्ति के प्रक्रिया अभु तक पूरी नइ करे हे, ये निर्देश जारी करे गिस हे।