रायपुर । छत्तीसगढ़ के राजधानी म पुलिस परिवार के आंदोलन आघू के 25 जून के प्रस्तावित हे। उहें ये आंदोलन ल रोके बर सरकार अउ पुलिस विभाग कतको प्रयास करत हे। पुलिस परिवार के आंदोलन के बाद अब होमगार्ड के परिवार वाला मन ह अपन 12 ठन मांग मन ल लेके मुख्यमंत्री ल पत्र लिखे हे। प्रदेस म 9000 ले ज्यादा होमगार्ड के जवान काम करथे, जे मन ल सुविधा मन नइ मिलत हे। एती नगर सेना के अधिकारी अइसे कोनो भी आंदोलन के बारे म जानकारी होय ले इंकार करिन हे।
