ए का पल्स पोलियो कीट म आइस पैक के जगा म पानी पउच

बिलासपुर. देशभर म 10 मार्च के राष्ट्रीय प्लस पोलियो अभियान म शून्य से पांच बछरके लइका मन ल पोलियो ड्राफ पिलाना रहिस हे. जेखर बर स्वास्थ्य महकमा ल जागरूक घलो देखे गिस. लेकिन ए जागरूकता के अनोखा नमूना छत्तीसगढ़ के बिलासपुर जिला के तखतपुर ब्लॉक म देखे बर मिलिस इंहां जे मापदंड ले पोलियो ड्राफ़ पिलाना रहिस हे, ओखर पालन नइ करे गिस.

दरअसल, 10 मार्च के पूरा छत्तीसगढ़ म पल्स पोलियो अभियान चलाय गिस. ए
अभियान म कमियां देखे गिस हे. ए कमियां बिलासपुर जिला के तखतपुर ब्लॉक
के सामुदायिक स्वास्थ्य केंद्र म देखे गिस. जेमा पल्स पोलियो पिलाए बर
पूरा 8 दिन तक अभियान चलाना हे.

10 मार्च को जेखर मद्देनजर कई परिजन अपन लिखा मन ल लेके पहुंचिन. लेकिन इहां के व्यवस्था लचर के चलत बिहनिया 8 के जगा 10 बजे तक पल्स पोलियो कीट नई पहुंचे रहिस हे. संगेच ओखर अंदर जे मापदंड होना चाही, जइसे दवा मन ल रखे बर आइस पैक होना चाही. लेकिन एक आइस पैक म पानी पाउच रखेगे रहिस हे. जेमा पल्स पोलियो के वायल रखे रहिस हे. जो कोनो मेर ले सुरक्षित नई रहिस हे.

एमा गउर करे वाले बात ए हे के, जब ए गंभीर लापरवाही के जानकारी बर खंड
चिकित्सा अधिकारी (बीएमओ) डॉ. निखिलेश गुप्ता ले संपर्क करे गिस, त पहिली
फोन कॉल के जवाब घलो नई दीस. उहें जब फोन दू-तीन बार लगाए म फोन उठाइस अउ मामला म अनभिज्ञता जाहिर करत हुए गैर जिम्मेदाराना जवाब देके फोन काट
दिस.

बता दें के एला लेके जब मीडिया ह आंगनबाड़ी कार्यकर्ता मन ले बातचीत
करिस, त पोलियो ड्राफ़ के ड्यूटी म तइनात कर्मी मन बड़ संकोच अउ डर म आ
गे. पहिली कहे लगिस के अगर हमन मीडिया ले बातचीत करेन त खंड चिकित्सा
अधिकारी डॉ. निखलेश गुप्ता उंखर खेलाफ कार्रवाई करही. उहें जब उमन भरोसा
म ले के बातचीत करिस. तब आंगनबाड़ी कार्यकर्ता मन ह बताइन के, बिहनिया 8
बजे ले हमन सेंटर म पहुंच गे रहे हन. लेकिन पल्स पोलियो के जे किट हमल
पहिली मिल जात रहिस हे.

वो ह हमन ल बिहनिया सुबह 10 बजे देय गिस संगेच पल्स पोलियो कीट म एक ही
आइस पैक दे गे रहिस हे. . जेमा 4आइस पैक होना चाही, लेकिन 4 के जगी एक
ही देय गिस. अउ ओखर जगा पानी पाउच डाल के भेजे गिस. संगेत बैनर पोस्टर
गलो मुहैया नई कराए गिस. जेखर ले लगखे के, स्वास्थ्य विभाग के ए मुख्य
अभियान म महज औपचारिकता निभाइस. या फेर तखतपुर के BMO ल इखर ले कोनो
मतलब नइ रहिस हे.