रायपुर। ए साल अभी तक कम बरसा होय के कारन किसान मन खेती के काम करे बर पानी के समस्या ले जूझते हे। उंखर मन के ये समस्या ल देखत गंगरेल बांध ले आज पानी छोड़िस हे। गंगरेल बांध म लगभग 45 प्रतिशत ही पानी भरे हे अउ अभी घलो पानी के आवक होवत हे। सबले जादा पानी के समस्या रायपुर, धमतरी अउ बलौदाबाजार-भाटापारा जिला म हे। इही सब ल ध्यान म रखत भूपेश सरकार ह पानी छोड़े के फैसला लिन हे।
प्रदेश कांग्रेस के महामंत्री अउ संचार विभाग के अध्यक्ष शैलेश नितिन त्रिवेदी ह बताईस कि नहर के पानी ले ये इलाका म खेती के जेन काम ह बांचे हे वोला किसान मन पूरा कर अपन फसल के रक्षा कर पाही। भूपेश बघेल सरकार के गंगरेल ले पानी छोड़े के फईसला के ये तीनों जिला के किसान भाई मन ह स्वागत करे हे।
No Comment! Be the first one.