Raipur: वेबिनार म कृषि अऊ ग्रामोद्योग के क्षेत्र म गांव ल आत्मनिर्भर बनाय म जोर
जय जोहार…. इंदिरा गांधी कृषि विश्वविद्यालय (Raipur) के अंतर्गत संचालित बैरिस्टर ठाकुर छेदीलाल कृषि महाविद्यालय अऊ अनुसंधान केंद्र बिलासपुर के तरफ ले राष्ट्रपिता महात्मा गांधी के जयंती के अवसर म महात्मा गांधी के ग्रामीण विकास अवधारण विषय म बेबिनार के आयोजन करे गिस।
ए अवसर म कृषि विश्वविद्यालय (Raipur) के कुलपति डॉ. एसके पाटील ह वर्तमान परिस्थिति म कृषि अऊ ग्रामोद्योग के क्षेत्र म गांव ल आत्मनिर्भर बनाय म विशेष जोर दे हे। जेखर ले गांव के आवश्यकता के पूर्ति ह गांव ले ही हो सके। संगेसंग आन आवश्यक वस्तु के पूर्ति खेती ले जादा लाभ प्राप्त कर करे जा सके।
(Raipur) राष्ट्रपिता महात्मा गांधी के जयंती के अवसर म 2 अक्टूबर के इंदिरा गांधी कृषि विश्वविद्यालय के अंतर्गत संचालित सबो शासकीय, निजी महाविद्यालय अऊ कृषि विज्ञान केंद्र म कार्यक्रम आयोजित करे गिस। ए दौरान राष्ट्रपिता महात्मा गांधी अऊ पूर्व प्रधानमंत्री लाल बहादुर शास्त्री ल याद करे गे हे।
