chhattisgarh के बिलासपुर जिला प्रशासन के वेबसाइट ल मिले हे राष्ट्रीय पुरस्कार, राष्ट्रपति के हाथ कलेक्टर ह ग्रहण करीन राष्ट्रीय प्लेटिनम अवार्ड
जय जोहार । छत्तीसगढ़ (chhattisgarh ) के बिलासपुर जिला प्रशासन के वेबसाइट ल आज नई दिल्ली म नवाचार बर राष्ट्रपति श्रीमती द्रौपदी मुर्मू ह राष्ट्रीय प्लेटिनम अवार्ड ले सम्मानित करीन हे । विज्ञान भवन म आयोजित कार्यक्रम म बिलासपुर के जिला कलेक्टर सौरभ कुमार ह ये अवार्ड ल ग्रहण करीन ।
बिलासपुर जिला प्रशासन डहार ले करे गे नवाचार ल राष्ट्रीय स्तर म सराहना मिले हे । भारत सरकार के इलेक्ट्रॉनिक्स अउ सूचना प्रौद्योगिकी विभाग डहार ले जिला प्रशासन के वेबसाइट ल राष्ट्रीय प्लैटिनम अवार्ड प्रदान करे गेहे । बिलासपुर जिला प्रशासन के वेबसाइट ल बेस्ट वेब एंड मोबाइल इनिशिएटिव कांम्पलांइथ विथ जीआइजीडब्ल्यू एंड एससीबिलिटी गाइडलाइन के श्रेणी के अंतर्गत ये पुरस्कार दे गेहे ।
केंद्र सरकार के फ्लैगशिप योजना डिजिटल इंडिया के क्रियान्वयन म बिलासपुर जिला के वेबसाइट ह नवाचार करे हे । एनआईसी (राष्ट्रीय सूचना विज्ञान केंद्र) डहार तइयार वेबसाइट म केंद्र अउ राज्य शासन के योजना के जानकारी ल अपलोड करे के संग ही दिव्यांग बर घलो एमा विशेष सुविधा दे गेहे । दृष्टिबाधित घलो साफ्टवेयर के जरिए ए वेबसाइट म देगे सूचना ल सुन सकत हे । जिहां -जिहां माउस के कर्सर जाही , उंहा लिखे जानकारी आवाज म बदल जाही। ए अवसर म एनआईसी बिलासपुर के डीआईओ अरविंद यादव अउ सहायक डीआईओ मनोज कुमार सिंह घलो शामिल रिहीन ।
