कोरोना के बचाव बर का कहिस मुख्यमंत्री भूपेश बघेल, पढ़ो पूरा खबर
जय जोहार रायपुर…. मुख्यमंत्री भूपेश बघेल ह कोरोना वायरस ले बचाव के संबंध म आज प्रदेश के जनता ल संबोधित करिस। अपन संबोधन म वोहा कहिन कि जैसा आप जानत ही हे कि पूरा विश्व ए समय कोरोना वायरस के महामारी ले जूझत हे। छत्तीसगढ़ म घलो आज कोरोना वायरस के एक केस पाजीटिव पाए गे हे, जेखर समुचित उपचार एम्स रायपुर म चलत हे। पीड़ित के परिवार के सबा सदस्य अऊ ओखर संपर्क म आए वाला सबो लोग मन के पहचान कर ओमन ल घलो आइसोलेशन म रखे गे हे।
राज्य म कोरोना वायरस ले उपचार के समुचित व्यवस्था हे अऊ एखर ले डरे या चिंतित होए के कोनो जरूरत नई हे, लेकिन अब हमन ल ज्यादा सतर्क अऊ लापरवाही ले बचना होही। एम्स म योग्य चिकित्सक ह पीड़ित के उपचार करत हे। देश म अब तक अनेक कोरोना पीड़ित ह स्वस्थ हो चुके हे। राज्य म विदेश यात्रा ले लहुटे सबो नागरिक मन के स्वास्थ्य परीक्षण कर के ओला आइसोलेशन म रखे के प्रक्रिया ह जारी हे। मे हा फेर ले अपन बात दोहरात हो कि आप मन के जानकारी म अगर अइसे कोनो व्यक्ति हे, जेन विदेश यात्रा ले लहुटे हे अऊ ओ हा स्वास्थ्य विभाग ल रिपोर्ट नई करे हे, त एखर सूचना तत्काल टोल फ्री नंबर 104 म दे।
हमन ह राज्य म कोरोना वायरस ले बचाव अऊ उपचार के सही जानकारी दे बर एक इमरजेंसी कम्यूनिकेशन टीम बनाए हे, जेन आप मन ल सतत रूप ले सही सूचना दे के काम करही अऊ भ्रामक खबर के प्रचार ल रोकही।
