रायपुर। जम्मू कश्मीर म धारा 370 ल खतम करे के मिशन ल पूरा करे के बाद अईसे लगत हंवय कि अब माओवादी मन के बारी हे। काबर कि केंद्रीय गृह मंत्रालय ह 26 अगस्त के नक्सल प्रभावित 11 राज्य के मुख्यमंत्री अउ डीजीपी के बईठक बुलाए हे। एखर ले अईसे माने जाथ हे कि घर के भीतर मौजूद लाल आतंकी मन ऊपर घलो नकेल कसे बर कोनो सख्त रणनीति बनाए जा सकथे।
केन्द्रीय गृहमंत्री अमित शाह के अध्यक्षता म ये बईठक ह होही, जेमा सबो 11 नक्सल प्रभावित राज्य के अउ डीजीपी ल बुलाए गिन हे। बता दें कि हाल ही म जम्मू कश्मीर ले धारा 370 अउ 35 ए ल खत्म कर पाकिस्तान प्रायोजित आतंकवादी मन ऊपर नकेल कसे के कवायद केन्द्र सरकार द्वारा करे गे रहीस, जेखर सार्थक परिणाम घलो सामने आए हे। एक ओर जिहां पाकिस्तान ह बौखलाए हे उंहे दूसर ओर घाटी म अमन हे।
सबले ज्यादा प्रभावित राज्य छत्तीसगढ़
आंध्रप्रदेश म सख्ती के बाद छत्तीसगढ़ के बस्तर इलाका ह नक्सली मन के जद म आ गे हे। इहां लगातार नक्सली मन ह कई ठन बड़े वारदात ल अंजाम दिन हे, जेखर ले बस्तर के खूबसूरत वादी ह थर्रा गे हे। साल 2000 म मध्यप्रदेश ले अलग होय के बाद छत्तीसगढ़ ल खनिज संपदा के साथ नक्सल समस्या ह घलो विरासत म मिले हंवय। देश म नक्सल हिंसा ले सबले जादा प्रभावित राज्य छत्तीसगढ़ हरे। नक्सली मन ह सबले बड़े हमला 6 अप्रैल 2010 म दंतेवाड़ा के ताड़मेटला म सीआरपीएफ के जवान मन ऊपर अब तक के सबले बड़े हमला छत्तीसगढ़ में ही करे रिहिस। 25 मई 2013 के कोनो भी राजनीतिक दल ऊपर सबले बड़का हमला घलो छत्तीसगढ़ म ही करे गे रिहिस। इही दिन कांग्रेस के परिवर्तन यात्रा ऊपर बस्तर के दरभा के जीरमघाटी म नक्सली मन ह हमला कर प्रदेश कांग्रेस के बड़े नेता नंदकुमार पटेल, विद्याचरण शुक्ल, महेन्द्र कर्मा समेत 29 लोगन के हत्या कर दिन।
2019 म 80 ले जादा वारदात
मिले आंकड़ा के मुताबिक जनवरी 2001 ले दिसंबर 2018 के बीच नक्सली मन ह छत्तीसगढ़ म 9 हजार 96 वारदात ल अंजाम दे रिहिस। जबकि जनवरी 2019 ले 15 मई 2019 तक कुल करीब 80 घटना ल नक्सली मन ह अंजाम दिस हे।
छत्तीसगढ़ 10 बड़े नक्सली हमला
- छत्तीसगढ़ के दंतेवाड़ा म सबले बड़े नक्सली हमला 6 अप्रैल 2010 म होय रहीस, जेमा 76 जवान शहीद हो गिन।
- 25 मई 2013 जीरम घाटी हमला म नक्सली मन कांग्रेस के परिवर्तन यात्रा म हमला कर कांग्रेस के शीर्ष नेताओं समेत 29 ले ज्यादा लोग मारे गिस।
- 11 मार्च 2014 के जीरम घाटी म फेर हमला करिस, जेमा 14 जवान शहीद हो गिन।
- 12 अप्रैल 2014 के बस्तर म नक्सली हमला म 5 जवान समेत 14 झन के मउत होय रिहिन।
- अगस्त 2014 म दंतेवाड़ा म नक्सली मन के गोलीबारी म सीआरपीएफ के तीन जवान घायल हो गे रिहिस।
- अप्रैल 2015 म दंतेवाड़ा म नक्सली मन के बिछाए बारुदी सुरंग के विस्फोट म सुरक्षा बल के 4 जवान शहीद अउ 8 झन घायल हो गे रिहिन।
- मार्च 2017 म बस्तर म होय नक्सली हमला म सीआरपीएफ के 219वीं बटालियन के जवान शहीद हो गिन।
- मार्च 2017 में ही दंतेवाड़ा म लैंडमाइन ब्लास्ट म सीआरपीएफ के 7 जवान शहीद हो गिस।
- पाछु के महीना म 11 मार्च के नक्सली मन ह सीआरपीएफ के 219वीं बटालियन ल निशाना बनाए रहीस, जेमा 12 जवान शहीद हो गिन।
- 2017 के साल के सबले बड़े नक्सली हमला म सीआरपीएफ के 25 जवान शहीद हो गिन।
No Comment! Be the first one.