Chhattisgarh: जादा दाम म दारू बेचे जाय के शिकायत करे ल आबकारी विभाग ह जारी करिन वॉटसएप नंबर, पढे पूरा खबर

जय जोहार…. (Chhattisgarh) राज्य सरकार के आबकारी विभाग के तरफ ले मदिरा दुकान ले जादा कीमत म दारू के विक्रय के शिकायत प्राप्त करे बर वॉटसएप मोबाइल नंबर 9424102102 रविवार के जारी करे गे हे। एखर माध्यम ले ग्राहक मन ह मदिरा दुकान ले उचित दर म मदिरा बेचे नई जाय म ओ दुकान के वीडियो बना के वॉटसएप मोबाइल नंबर 9424102102 म भेजे जा सकत हे।

वीडियो प्राप्त होय म उक्त नंबर के नाम म (Chhattisgarh) आबकारी विभाग म शिकायत दर्ज करे जाही। विभाग के तरफ ले उक्त वीडियो के जांच कर के संबंधित के खिलाफ कार्यवाही करे जाही। संगेसंग करे गे कार्यवाही ले ओ मोबाइल नंबर म सूचित करे जाही।

वॉटसएप के माध्यम से वीडियो प्राप्त होय म विभाग ल कार्यवाही करे म आसानी होही। उहचे प्राप्त शिकायत म तुरंत कार्यवाही करे जा सकही। (Chhattisgarh) वॉटसएप मोबाइल नंबर 9424102102 म आबकारी अपराध जईसे अवैध मदिरा परिवहन, धारण, विक्रय अऊ आन नशीला पदार्थ के विक्रय अऊ धारण ले संबंधित वीडियो घलो भेजे जा सकत हे। जेमा घलो कार्यवाही करे जाही।