झीरम हत्याकांड के जांच ल भाजपा सरकार ह काबर बाधित करत हे – शैलेश नितिन त्रिवेदी

जय जोहार…. झीरम के घटना ल सात साल पूरा होय म प्रदेश कांग्रेस संचार विभाग प्रमुख शैलेश नितिन त्रिवेदी ह कहिन कि झीरम के दुखद घटना के पीछे के साजिश ह उजागर होना चाही। वो हा कहिन कि झीरम के सातवीं बरसी म कांग्रेस ह केन्द्र सरकार ले मांग करत हे कि छ्त्तीसगढ़ सरकार ल झीरम मामले की जांच करे ल न रोके जाय।

एनआईए जब अपन अंतिम रिपोर्ट ल अदालत म प्रस्तुत कर चुके हे। तब एनआईए के करा उपलब्ध जांच के दस्तावेज ल छत्तीसगढ़ सरकार ल आगू के जांच बर सौंप दे जाय। 2018 म कांग्रेस ह छत्तीसगढ़ विधानसभा चुनाव ल झीरम मामले के जांच अऊ दोषी ल सजा दिलाय म लड़े हे। वो हा कहिन कि भूपेश बघेल ह सरकार बनत ही झीरम के मामले के जांच के पहल करिन, लेकिन कांग्रेस के सरकार बने के बाद झीरम मामले के जांच के हर कोशिश ल भाजपा के केन्द्र सरकार के इशारा म बाधित करे जावत हे।

वो हा कहिन कि लोकसभा चुनाव 2014 के चुनाव प्रचार बर नरेंद्र मोदी ह जब छत्तीसगढ़ आय रहिस त धमतरी के सभा म नरेंद्र मोदी ह केहे रहिस कि भाजपा के सरकार बनने म झीरम के जांच ल अंजाम तक पहुंचाय जाही अऊ झीरम के आरोपी मन ल सजा मिलही। वो हा कहिन कि मोदी जी के प्रधानमंत्री बनने के बाद त जांच के दिशा ह बदल गिस। पहिले भाजपा के राज्य सरकार ह एनआईए के जांच म सहयोग नई करिन अऊ केन्द्र म भाजपा के सरकार बनने के बाद एनआईए ल षडयंत्र के जांच नई करे ल दे गिस।