काबर करत हे रायपुर एम्स ह कोरोना सैंपल जांच ले मना, राज्य सरकार ल चिट्ठी लिख के दिस जानकारी, पढव पूरा खबर
जय जोहार…. रायपुर एम्स प्रबंधन ह कोरोना सैम्पल लेने ले इंकार कर दे हे। प्रबंधन ह पहिले ले ही जियादा पैंडिंग होय के हवाला देत हुये कम ले कम 10 दिन तक सैम्पल लेने से मना कर दे हे। ए सैम्पल के जांच खत्म होय के बाद आगू के जांच करे जाही। एखर सूचना ल राज्य सरकार ल दे गे हे।
राज्य कोरोना कंट्रोल डेस्क पीआरओ डॉ. अखिलेश त्रिपाठी ह बताइस कि रायपुर एम्स ह पत्र के माध्यम ले राज्य सरकार ल सूचित करे हे कि ओखर पास सैम्पल ह जियादा लम्बित पड़े हे। जेखर सती लम्बित सैम्पल के जांच तक नवा सैम्पल नई ले के बात ल केहे हे। एम्स म जेन जिला ले सैम्पल आवत हे, ओमा कवर्धा, राजनांदगांव, बालोद, रायपुर, दुर्ग अऊ कोरबा शामिल हे। जइसे ही पैंडिंग सैम्पल के जांच हो जाही, फेर भेजे जाही।
बता देन कि छत्तीसगढ़ म अब तक 88896 लोगन मन के कोरोना सैम्पल लेके जांच बर भेजे गे हे। जेमा ले 84344 निगेटिव आय हे। जबकि 3481 सैम्पल के जांच ह जारी हे, जेखर रिपोर्ट ह आना बाकी हे।
