काबर जनता  ले अपील करिस वीणा सेंद्रे ह…जानव वजह

इंटरनेसनल फ्रांस ब्यूटी क्वीन प्रतियोगिता म वलेवत हे भाग

रायपुर : छत्तीसगढ़ के बेटी वीणा सेंद्रे ह इंटरनेसनल फ्रांस ब्यूटी क्वीन प्रतियोगिता में प्रदेल के प्रतिनिधित्व करत हवय.  ए संबंध म उमन पत्रकार मन ले चर्चा करिस. चर्चा के दउरान उमन कहिन के,  ए बातचीत के मुख्य उद्देश्य छत्तीसगढ़ के जनता  ल ए प्रतियोगिता अउ खुद के बारे म जागरूक करना रहिस हे.

बातचीत म वीणा ह बताइस के,  इंटरनेसनल फ्रांस ब्यूटी क्वीन प्रतियोगिता 25 फरवरी ले लेके 8 मार्च तक चलही. एमा करीब 28 देस मन के प्रतिनिधि भाग लेवत हे, जेमा वो भी सामिल हवय. उमन छत्तीसगढ़ के जनता बर कहिन, के उ मोला छत्तीसगढ़िया मन के  प्यार अउ संग चाही.  ताकि वो ए प्रतियोगिता म आघू बढ़ पाही.

सोसल मीडिया म वीडियो सेयर करे के अपील

पाछू के प्रतियोगिता के जिक्र करत हुए वीणा ह बताइस,  पाछू बेर प्रदेस भर के लोगनम मन ह ऑनलाइन वोटिंग के जरिए वीणा ल प्रतियोगिता म सबले आघू बनाए रखे रहिस हे.  ए बेर घलो वो ह छत्तीसगढ़ के जनता ले अइसे ही संग के उम्मीद करत हे.

उमन ए प्रतियोगिता बर रखे गे नियम-कानून के जानकारी देवत हुए बताइस,  ए प्रतियोगिता म सबो प्रतिभागी मन बर इंट्रोडक्सन वीडियो बनाए गे हे. जेला  सोशल मीडिया जइसे फेसबुक, टि्वटर, इंस्टाग्राम  अउ यू-ट्यूब के जरिए लोगन तक पहुंचाना हे.

एमा जे  12 प्रतिभागी ल सबले जादा लाइक, सेयर अउ कमेंट मिलही, वो ह अगला राउंड बर  सलेक्ट हो ही. अगला राउंड म टॉप 6 अउ टॉप 3 बर घलो  2 राउंड हो ही. जेमा प्रतिभागी मन के  टैलेंट अउ उंखर जवाब म उमन के चयन करे जाही. जे ह सबले जादा नम्बर पाही, फाइनल म उहीं ल  विजेता घोषित करे जाही .