बन्द हो जाही का भिलाई के मौर्या चंद्रा सिनेमा घर, गेट म लगिस बन्द होय के नोटिस
जय जोहार…. एक तरफ कोरोना ले जंग अऊ ओखर ऊपर बुरा खबर,छत्तीसगढ़ी सिनेमा वाला मन एखर पुष्टि करे हे कि भिलाई के मौर्या चंद्रा टाकिज बन्द होने वाला हे। एक ग्रुप म नोटिस वाले फोटो घलो पोस्ट होय हे, ग्रुप म सिनेमाघर ल पुनः बचाय बर अऊ ओला संवर्धित करे बर पहल करे के चर्चा घलोक होइस।
सिनेमाघर त बन्द हो जाही लेकिन छत्तीसगढ़ी सिनेमा उद्योग ले जुड़े लोगन मन बर ये बहुत बड़े झटका हे। बता दन कि भिलाई म पहिली ले सपना अऊ उत्तम सिनेमाघर बन्द हो गे हे। बताये जात हे कि वेंकटेश्वर सिनेमाघर घलो घाटा म चलत हे।
