देशवासी मन सेना के संग हे लेकिन मोदी ले सवाल के जवाब चाही – शैलेश नितिन त्रिवेदी

जय जोहार…. देश के 20 ले जियादा जवान मन के शहादत म श्रद्धांजलि व्यक्त करत हुये छत्तीसगढ़ प्रदेश कांग्रेस संचार विभाग के अध्यक्ष शैलेश नितिन त्रिवेदी ह कहिन कि कांग्रेस पार्टी समेत पूरा देश ह सेना के संग हे।

वो हा कहिन कि जइसने चीन के सेना पीपुल्स लिबरेशन आर्मी ह भारतीय सीमा म घुस के भारतीय जवान मन ल मारे हे। ओमा कई सवाल खड़े हे अऊ प्रधानमंत्री ल ए सवाल के जबाव खुद उपस्थित हो के देना चाही।

छत्तीसगढ़ प्रदेश कांग्रेस संचार विभाग के अध्यक्ष शैलेश नितिन त्रिवेदी ह कहिन कि भारत के सीमा के रक्षा करत एक-एक जवान के जान कीमती हे अऊ शहादत घलो देश के जनता ल व्यथित करत हे। गवलान घाटी म जेन कायरता ले भारतीय सेना के जवान मन मारे अऊ घायल करे हे। वह दुखद हे। वो हा कहिन कि अभी एक-एक जवान के पार्थिव शरीर ह तिरंगा म लिपटा अपन घर पहुंचही।
वो हा कहिन कि प्रधानमंत्री ल बताना चाही कि अब तक भारत सरकार ह चीनी घुसपैठ ले काबर इनकार करत रहिस। जबकि सरलघा जानकारी ह आवत रहिस कि चीनी सेना ह भारत के सीमा म 60 किलोमीटर तक घुस आय हे। चीनी सेना ह भारतीय जवान मन के संग जेन बर्बरतापूर्वक कार्रवाई करे हे, ओमा केंद्र सरकार के का प्रतिक्रिया हे अऊ वह का जवाबी कार्रवाई करे ल जात हे।