कोरबा. कोरबा म एक विवाहित महिला ल प्रताड़ित करे के मामला आघू आए हे. ये महिला ल कई दिन तक भूखा रखय अउ खाय के नाम म जड़ी बूटी दे के वोला पागल बनाए के परयास करे जात रहीस.
अइसे जानकारी मिले हाबय कि महिला के बिहाव 2014 म होइस हे अउ दहेज म 50 हजार रूपया अउ तीन लाख के सामान घलो दे रहीस. दहेज़ में मिले आधा ले जादा सामान ल दूल्हा के बहन ल दे दिस. नई नवेली दुल्हन ल बिहाव के हफ्ता भर बाद ले ही प्रताड़ित करे के शुरू कर दिस. ओला कई दिन तक भूखा रखय अउ जबरदस्ती जड़ी बूटी खवाके पागल बनाए के कोशिश करय. बिहाव के तीन महीना बाद जब वो ह एक महीना के गर्भ म रिहिस हे त ओखर उपर माटी तेल डाल के जला के मारे के परयास करे गे रिहिस. महिला के सास अउ ननंद ह गर्भपात करवाय के कोशिश करिस . ये सब से तंग आके पीड़िता ह कुटुंब न्यायलय के शरण में गिन अउ उहां आरोपी मन के खिलाफ शिकायत दर्ज करवईन हे. शिकायत म पांचों आरोपी के विरूद्ध धारा 294, 506, 498, 34 भादवि के जुरम दर्ज करे गे हे.
Other Articles
