corona: जांजगीर म कोरोना ले महिला के हो गे मौत, पढो पूरा खबर

जय जोहार…. छ्त्तीसगढ़ म कोरोना (corona) संक्रमित मन के संख्या ह कम होय के नाम नई लेवत हे। उहचे मौत के आंकड़ा घलो बाढ़त जावत हे। जांजगीर जिला के कोविड केयर सेंटर म भर्ती कोरोना ले पीड़ित महिला के मौत हो गे हे।

मिले जानकारी के मुताबिक मामला ह बलौदा के हे, जिहां कोरोना (corona) संक्रमित पाय जाय पर महिला ल सोमवार के बलौदा ले जांजगीर के कोविड केयर अस्पताल म भर्ती करे गे रहिस। मुख्य स्वास्थ्य अऊ चिकित्सा अधिका के अनुसार महिला के हालत काफी गंभीर रहिस।

महिला ल डायबिटीज के शिकायत रहिस। (corona) संगेसंग हाइपरटेंशन के घलो मरीज रहिस। इलाज के दौरान ओखर आक्सीजन लेवल ह काफी नीचे चले गे रहिस। काफी प्रयास के बाद ओला बचाय नई जा सकिस।