बलरामपुर। जिला के परसवार कला म महान नदी म एक महिला के डूबे ले मउत होगे। महिला नदी के तीर खड़े रहिस हे, तभु ओकर पइर फिसल गे। जब तक लोग बचाय बर पहुंच पातिस तब तक वो ह बहिगे।
मिले जानकारी म जुठनी नामक 55 साल के महिला गुरुवार के बिहनिया 11 बजे के करीबन नदी के तीर रहिस हे, वो ह नदी के पानी म फिसले ले गिर गिस अउ पानी के तेज बहाव म बह गिस। समाचार लिखे जाय तक ओखर लाश नइ मल पाइस। उहे घटना के सूचना पुलिस ल दे देय गिस हे।
