दक्षिण पूर्व मध्य रेलवे म महिला मन ह संभाली ट्रेन संचालन के कमान

रायपुर। विश्व महिला दिवस के उपलक्ष्य म शुक्रवार के दक्षिण पूर्व मध्य रेलवे म चलइया रायपुर-दल्लीराजहरा लोकल ट्रेन क्रमांक 78816 म पूरा जुम्मेदारी महिला मन ह बखूबी निभाइस. एमा ट्रेन चालक, सहचालक, गार्ड व टिकट चेंकिग स्टाफ महिला मन ह रहिन हे. इहां तक के सुरक्षा बेवस्था घलो महिला बल ह संभालीस।

दुर्ग स्टेशन म महिला कर्मचारी मन ह पूछताछ काउंटर के सफलतापूर्वक संचालन करिन किया। रेलवे के ओर ले डीजल लोको शेड म सेमिनार के आयोजन कर महिला मन ल उपहार भेंट कर उंखर सम्मान करिन. एमा चालक दीपा पुणतांबेकर, धनलक्ष्मी देवांगन सहचालक, पीएमए डी बाला, मुख्य टिकट निरीक्षक दुर्ग वीपी नायडू, आरपीएफ कांस्टेबल किरण जॉय, टिकट निरीक्षक दुर्ग राजश्री भावसे, डिप्टी सीटीआई दुर्ग अलंकृता जैसवाल व कविता कॉन्स्टेबल सामिल रहिन.