छत्तीसगढ़ म महिला मन बनावत हे पेंट, महात्मा गांधी के सपना होवत हे पूरा

जय जोहार। (chhattisgarh) गांव म लिपाई-पुताई के काम अवइया गोबर ले अब इमल्सन अउ डिस्टेंपर पेंट तैयार करे जात हे। छत्तीसगढ़ के महिला मन के बनाए गे पेंट मल्टी नेसनल कंपनी ल टक्कर देवत हे । पेंट निर्माण म मल्टी नेसनल कंपनी के एकाधिकार ल गांव के महिला मन ह तोड़त हे। छत्तीसगढ़ सरकार ह महिला मन डहार ले तइयार करे जावत ए उच्च गुणवत्ता के पेंट ल देखत हुए सबो सासकीय भवन के पुताई कराय के निर्देस देहे । लोक निर्माण विभाग डहार ले एखर बर एसओआर घलो जारी कर दे गेहे ।

राजधानी रईपुर के जरवाय गौठान, दुर्ग जिला के गांव लिटिया अउ कांकेर के सराधुननवागांव म गोबर ले प्राकृतिक पेंट बनाय के काम सुरू करे गेहे । पेंट निर्माण म अमूमन मल्टी नेसनल कंपनी ही काबिज रिहीन लेकिन अब ग्रामीण महिला मन घलो ए क्षेत्र म मजबूती ले कदम रख चुके हे । गोबर ले बनइया प्राकृतिक पेंट बिल्कुल मल्टी नेसनल कंपनी डहार ले तइयार करे गे पेंट जइसा हे । एखर गुणवत्ता उच्च स्तरीय हे , ये पेंट एंटी बैक्टीरिया अउ एंटीफंगल होत हे ।

गोबर ले पेंट अउ वर्मी कम्पोस्ट तइयार कर महिला मन ह महात्मा गांधी जी के आत्मनिर्भर गांव के कल्पना ल साकार करत हे । एखर ले गांव के मनखे मन ल रोजगार के साथ ओखर तरक्की बर नवा नवा अवसर के निर्माण होत हे। जरवाय गौठान म डिस्टेंपर,इमल्सन पेंट के संग ही पुट्टी के घलो निर्माण होत हे । एखर बिक्री ल राजधानी रईपुर के सीजी मार्ट में करे जात हे। एला जल्दीच विभिन्न ऑनलाइन प्लेटफार्म म घलो उपलब्ध कराय के योजना हे । ये पेंट मल्टी नेसनल कंपनी के पेंट के तुलना म 30 ले 40 प्रतिशत सस्ता हे ।

गोबर ले बने ए पेंट के कीमत बाजार म उपलब्ध प्रीमियम क्वालिटी के पेंट के तुलना म 30 ले 40 फीसदी कम है। इमल्सन पेंट के कीमत 225 रुपिया प्रति लीटर हे । ये 1,2,4 अउ 10 लीटर के पैकेज म तइयार करे जात हे । ये करीब 4 हजार रंग म घलो उपलब्ध हे । संगेसंग पुट्टी डिस्टेंपर घलो तइयार करे जात हे।