कोरोना ले जंग : महिला शक्ति ह संभालिस जिला के कमान, मंत्री ले लेके कलेक्टर के बेहतर प्रयास

जय जोहार बालोद…. जिला म कोरोना वायरस संक्रमण ल लेके काफी सख्ती बरते जात हे। अईसे म बालोद जिला म ए दिनों महिला मंत्री ले लेके विधायक, महिला अधिकारी के बोलबाला देखे ल मिलत हे। ए सबो ह अपन जिम्मेदारी ल बखूबी निभावत हे। मंत्री अनिला भेड़िया जिंहा अपन कार्य क्षेत्र समेत पूरा जिला म सुरक्षा, संरक्षण बर कार्य करत हे। ऊहचे कलेक्टर घलो स्वयं फिल्ड म उतर के लोग मन ल मदद करे के प्रयास करत हे।

मंत्री अनिला भेड़िया ह आंगनबाड़ी अऊ वृद्ध आश्रम जैसा महत्वपूर्ण जगह मन के निरीक्षण करत हे अऊ आवश्यक दिशा निर्देश देवत हे। मंत्री ह लाकडाउन के पालन घलो करत हे अऊ लोग मन के जरूरत के हिसाब ले मैदान म उतर के काम करत हे।  एखर संगेसंग क्षेत्रीय विधायक संगीता सिन्हा घलो ए बुरा दौर म अपन निवार्चन क्षेत्र के जनता के संग कंधा ले कंधा मिला के चलत हे।