Raipur म प्रदेश महिला कांग्रेस ह सरलघा बाढ़ते महंगाई ल लेके करिन प्रदर्शन, पढ़व पूरा खबर

जय जोहार…. (Raipur) पेट्रोल-डीजल अऊ रसोई गैस के कीमत म सरलघा होवत बढ़ोतरी ल लेके महिला कांग्रेस प्रदेश अध्यक्ष फूलोदेवी नेताम के नेतृत्व में महिला कांग्रेस कार्यकर्ता मन ह राजधानी रायपुर म एक दिनी धरना-प्रदर्शन करिन।

ए दौरान राज्यसभा सांसद अऊ छत्तीसगढ़ महिला कांग्रेस प्रदेश अध्यक्ष फूलो देवी नेताम, राज्यसभा सांसद छाया वर्मा समेत कई दिग्गज कांग्रेस नेत्री ह अनोखे अंदाज म माथे पर काली पट्टी बांध के ढोल-नगाड़ा बजा के केंद्र के मोदी सरकार के खिलाफ प्रदर्शन करे हे।

राज्यसभा सांसद फूलो देवी नेताम ह कहिन कि प्रधानमंत्री नरेंद्र मोदी ह कहत रिहिन कि महिला के आंख म आंसू नई देख सकत, आज प्रधानमंत्री कहां हे, बाढ़ते रसोई गैस के कीमत सती आज महिला मन ह चूल्हा म खाना बनाय बर मजबूर हे अऊ ओखर आंख ले आंसू गिरत हे।