महिला शिल्प बाजार म लगिस भीड़ , राजधानी के मुख्य मार्केट म सजे हे राखी के स्टाल

जय जोहार रायपुर… लॉक डाउन म महिला समूह मन ल रोजगार के अवसर मिल गे हे , हमन बात करत हन महिला शिल्प बाजार के जेन ह लगे हे जवाहर मार्केट मालवीय रोड म , इन्हा महिला समूह द्वारा निर्मित राखी , खाद्य सामग्री , हैण्ड वाश अऊ तरह तरह के जिनिस हावे जेखर खरीदार मन भीड़ के रूप म वहां आवत हे , महिला शिल्प बाजार शासन के योजना आजीविका मिशन के अंतर्गत लगाय गे हे ,

बता दन कि ये महिला समूह ह छेरीखेडी के मल्टीयूटीलिटी सेंटर म प्रशिक्षण ले हे , इन्हा लगभग १५० महिला मन काम सीख के आज आत्मनिर्भर बने हे , ये महिला शिल्प बाजार म बिके वाला राखी मन लोगन ल अतना पसंद आत हे कि ओमन खूब खरीदारी करत हे , समूह के महिला मन लोगन मन ले अपील करे हे कि महिला शिल्प बाजार म मास्क अनिवार्य रूप ले पहनना हे अऊ शाररिक दुरी के साथ सामान खरीदना हे.