महिला सशक्तिकरण समारोह होही काली, 50 महिला मन के करे जाही सम्मान

जय जोहार रायपुर…. महिला प्रकोष्ठ छत्तीसगढ़ प्रदेश साहू संघ ह 15 मार्च के बाबा सत्यनारायण अतिथिगृह के लोकार्पण अऊ महिला सशक्तिकरण समारोह के आयोजन करे हे। कार्यक्रम भामाशाह छात्रावास, टिकरापारा म दोपहर एक बजे ले शुरू होही।

ए मऊका म शिक्षा, राजनीति, समाजसेवा, सांस्कृतिक अऊ क्रीड़ा क्षेत्र म उल्लेखनीय कार्य करे वाला 50 महिला मन के सम्मान करे जाही।

कार्यक्रम म मुख्य अतिथि राज्यसभा सांसद छाया वर्मा होही। अध्यक्षता छत्तीसगढ़ प्रदेश साहू संघ के संरक्षक विपिन साहू करही।