chhattisgarh : जनसम्पर्क विभाग म अधिकारी अउ कर्मचारी मन ह काली पट्टी लगाके करीन काम, पढ़व

जय जोहार…. छत्तीसगढ़ (chhattisgarh) जनसम्पर्क अधिकारी संघ के आव्हान म प्रदेस के सबो संभागीय अउ जिला मुख्यालय के जनसम्पर्क विभाग के सबो अधिकारी अउ कर्मचारी मन ह काली पट्टी लगाके काम करीन। उहें 12 अक्टूबर ले अनिश्चितकालीन कलमबंद हड़ताल करे के निर्णय ले गेहे।

बता देन कि छत्तीसगढ़ (chhattisgarh) जनसम्पर्क अधिकारी संघ डहार ले संचालनालय के संचालक पद म राज्य प्रसासनिक सेवा अथवा दूसर सेवा के अधिकारी के स्थान म जनसम्पर्क विभाग के ही वरिष्ठ अधिकारी ल पदस्थ करे के मांग करे गेहे। उहें मंत्रिमंडल डहार ले पूर्व में लिये गे निर्णय के अनुरूप छत्तीसगढ़ संवाद म जनसम्पर्क अधिकारियों के प्रतिनियुक्ति के पद म जनसम्पर्क विभाग के ही अधिकारी मन ल पदस्थ करे के मांग करे गेहे ।

छत्तीसगढ़ (chhattisgarh) जनसम्पर्क अधिकारी संघ के मांग के छत्तीसगढ़ प्रदेस राजपत्रित अधिकारी संघ ह घलो पुरजोर समर्थन करे हे। संघ ह मांग करे ह कि जनसंपर्क विभाग अउ दूसर विभाग म पदस्थ राज्य प्रसासनिक सेवा के अधिकारी मन के तत्काल वापसी करे जाए अउ दूसर विभाग के अधिकारी मन के राज्य प्रसासनिक सेवा के अधिकारी के जगह पदस्थापना करे।