जिला के 545 पंचायत म काम होइस शुरू, 1.34 लाख श्रमिक मन ल मिलिस रोजगार

जय जोहार…. जांजगीर-चांपा जिला म मनरेगा कार्य ले आजीविका संर्वधन के कई कार्य ह होवत हे। सामुदायिक अऊ हितग्राही मूलक कार्य ले गांव म अनेक स्थायी परिसंपत्ति के निर्माण ह होवत हे। कलेक्टर जनक प्रसाद पाठक के मार्गदर्शन म जिला के 545 ग्राम पंचायत म मनरेगा के अंतर्गत काम चलत हे। ए कार्य ले जिला के एक लाख 34 हजार मजदूर मन ल रोजगार मिले हे।

मनरेगा के तहत गांव मन म तालाब गहरीकरण, डबरी निर्माण, गौठान अऊ नाला निर्माण के कार्य ल ले गे हे। कोविड-19 के संक्रमण रोके बर सबो कार्यस्थल म सामाजिक अऊ शारीरिक दूरी ल बरतत हुये काम कराये जात हे। काम शुरू करे के पहले मजदूर मन के हाथ ल सेनिटाइजर, हैंडवाश या साबुन ले धुलवाये जावत हे। मुंह ल ढंके बर श्रमिक ह मास्क अऊ गमछा के उपयोग ल करत हे।