शिक्षाकर्मी मन के संविलियन के घोसना होत ही काम हो गे शुरू, दो वर्ष पूरा कर चुके शिक्षाकर्मी मन के मांगे जात हे जानकारी

जय जोहार रायपुर…. मुख्यमंत्री भूपेश बघेल ह विधानसभा म दो वर्ष पूरा कर चुके शिक्षाकर्मी मन के संविलियन के घोसना करे रहिस। ए घोसना म अब अमल करे के काम शुरू हो गे हे। शिक्षा विभाग ह पत्र जारी करके सबो नगर निकाय, पंचायत के शिक्षाकर्मी मन के जानकारी मांगे हे, जेन ह दो वर्ष के सेवा अवधि पूरा कर चुके हे। ओखर संविलियन के काम शुरू हो गे हे। प्रदेश के एक लाख 31 हजार शिक्षाकर्मी मन के संविलियन पहिली किए जा चुके हे। ये बार 16 हजार शिक्षाकर्मी मन के सविलियन होना हे, जेखर जानकारी मांगे गे हे।

बता देन कि आज विधानसभा म मुख्यमंत्री भूपेश बघेल ले छत्तीसगढ़ टीचर्स एसोसिएशन के प्रतिनिधिमंडल ह सौजन्य मुलाकात करिस। प्रतिनिधिमंडल ह बजट म दो साल के सेवा पूरा कर चुके शिक्षाकर्मी मन ल एक जुलाई ले संविलियन के घोसना बर मुख्यमंत्री भूपेश बघेल के अभिनंदन करे रहिस।