सीटू के स्थापना के 50 साल पूरा होय म कार्यालय अऊ घर म कार्यकर्ता मन ह फहराए झंडे

जय जोहार…. सीटू के स्थापना के 50 साल ल पूरा होय म मजदूर मन ह सीटू के लाल झंडा ल लहरात हुये जाति अऊ धर्म के आधार म बांटइया साप्रदायिक ताकत के खिलाफ आगू बाढ़े के संकल्प लिस। ए दौरान रायपुर म सीटू कार्यकर्ता मन ह मानव श्रृंखला घलो बनाइस हे।

रायपुर के अलावा भिलाई, राजनांदगांव, बालोद, राजहरा, धमतरी समेत आन स्थान म घलो सीटू ले संबद्ध यूनियन ह अपन कार्यस्थल, दफ्तर, मजदूर कालोनी म झंडा फहराए हे। एखर अलावा मजदूर मन ह अपन-अपन घर म पारिवारिक सदस्य मन के सहयोग ले सीटू के झंडा लगाइस हे।

रायपुर के अलावा प्रदेश के औद्योगिक जिला म कई स्थान म घलो शारीरिक दूरी ल धियान म रख के अपन सीमित उपस्थित के संग बगैर एक-दूसर ल छुए मानव श्रृंखला बनाइस। राजधानी रायपुर म पुलिस लाइन, नूरानी चौक, खदान बस्ती अऊ रामनगर म सीटू कार्यकर्ता मन ह मानव श्रृंखला के निर्माण करिस।