सासन के मिशन मोड मा करे जाए वाले काम के होईस समीक्षा

मुख्य सचिव ह लीन अधिकारी के बैठक

रायपुर, मुख्यमंत्री विष्णु देव साय के मंशा के मुताबिक छत्तीसगढ़ सासन खास क्षेत्र मा तेजी ले विकास बर जरूरी योजना के काम ला मिशन मोड मा चलाही। ए सिलसिला मा आज इहाँ मंत्रालय महानदी भवन मा मुख्य सचिव विकासशील के अध्यक्षता मा अधिकारी के बैठक होईस। बैठक मा अधिकारी ताइन कि राज्य सरकार ह तय समय मा विकास बर नवा मिशन सुरु करे हे, जेला पूरी तरह ले मिशन मोड मा चलाय जाही। अधिकारी मन ह अपन-अपन विभाग के योजना के बारे मा प्रेजेंटेशन (प्रस्तुतिकरण) के जरिए बिस्तार ले जानकारी दीन।

बैठक मा अधिकारी ह मुख्यमंत्री एआई (AI) मिशन के बारे मा बताइन कि नवा तकनीक अउ प्रौद्योगिकी मा छत्तीसगढ़ ला देस के अगुआ राज्य बनाना हे। एकर बर इहाँ के युवा ला एआई आधारित स्टार्टअप बर बढ़ावा दिय जाही। सासन-प्रसासन के काम मा घलो एआई के उपयोग करे जाही। एकर बर सासन के अधिकारी-कर्मचारी ला ट्रेनिंग दिय जात हे। ओसने लइका मन अउ युवा ला घलो प्रशिक्षण दिय जात हे।

मुख्यमंत्री खेल उत्कर्ष मिशन

के तहत गाँव-गाँव अउ जमीनी स्तर मा छिपे खेल प्रतिभा मन के पहिचान करके ओ मन ला निखारे जाही। खिलाड़ी ला सुविधा दिय जाही। राज्य के खिलाड़ी ला राष्ट्रीय अउ अंतर्राष्ट्रीय प्रतियोगिता मन बर तैयार करना अउ महिला खिलाड़ी के भागीदारी ला बढ़ाना एकर मुख्य लक्ष्य हे।

मुख्यमंत्री पर्यटन मिशन

के अंतर्गत बड़े-बड़े पर्यटन स्थल ला दुनिया के नक्सा मा लाए बर थीम-आधारित पर्यटन सर्किट बनाय जाही। सांस्कृतिक मेला, उत्सव अउ प्रदर्शनी के आयोजन के संग स्थानीय स्तर मा ‘होमस्टे’ योजना ला बढ़ावा दिय जाही। पर्यटन के क्षेत्र मा स्थानीय युवा ला टूर-गाइड के ट्रेनिंग दे के रोजगार के नवा मौका दिय जाही।

मुख्यमंत्री अधोसंरचना मिशन

के जरिए राज्य के बुनियादी ढांचा, सड़क, पुल अउ सहर-गाँव के जुड़ाव ला मिशन मोड मा मजबूत करना हे।प्रदेश मा आर्थिक विकास ला गति दे बर अधोसंरचना के तेजी ले निरमाण करे जाही। मुख्यमंत्री स्टार्टअप मिशन के तहत प्रदेश के युवा मा उद्यम ला बढ़ावा देना अउ नवा व्यापारिक विचार ला धरातल मा उतारना हे। नवा स्टार्टअप बर आर्थिक मदद अउ सरल प्रक्रिया तय करे जाही।

बैठक मा उद्योग अउ वाणिज्य विभाग के सचिव रजत कुमार, पर्यटन अउ संस्कृति विभाग के सचिव डॉ. एस. भारतीदासन, सूचना अउ प्रौद्योगिकी विभाग के सचिव अंकित आनंद, वित्त विभाग के सचिव डॉ. रोहित यादव, विशेष सचिव वित्त चंदन कुमार, विशेष सचिव उच्च शिक्षा जय प्रकाश मौर्य के संग सूचना प्रौद्योगिकी अउ चिप्स के अधिकारी सामिल रहीन।