यमराज ह उतर गे सड़क म.. कहत हे हेलमेट पहिनो अऊ यातायात नियम के पालन करो..

दीपक बावनकर@रायपुर जिला प्रशासन अऊ पुलिस प्रशासन ह लगातार लोगन मन ल हेलमेट लगाए के आह्वान करत हे ,पुलिस प्रशासन ह फ्री म १५००० हेलमेट बांटे हे ओखर बाद भी लोगन मन हेलमेट के प्रति जागरूक नई दिखत हे , एखरे सेती प्रशासन ह नित नवा नवा काम करात हे जेखर अन्तर्गत यमराज ल सड़क म उतरे ल पड़ गे, रायपुर के सड़क म जब यमराज ह उतरिस त लोगन मन ओला देख के आश्चर्य म पड़ गे काबर की यमराज ह घलो हेलमेट पहिंन के गाडी चलाये बर कहत हे, यमराज ह घूम घूम के लोगन मन ल यातायात के नियम के जानकारी घलोक देवत रिहिस