chhattisgarh : नगरीय निकाय म योग कक्षा अउ ग्रामीण क्षेत्र म योग सिविर के करे जाही आयोजन, बइठक म लीन हे निर्णय
जय जोहार…. (chhattisgarh) मनखे मन म रोग प्रतिरोधक क्षमता अउ स्वस्थ जीवन सैली ल बढ़ावा दे के उद्देश्य ले योग आयोग डहार ले नगरीय निकाय म योग कक्षा अउ ग्रामीण क्षेत्र म योग सिविर के आयोजन करे जाही।
पायलेट प्रोजेक्ट के रूप म अवइया महीना ले रईपुर नगर निगम के 70 वार्ड म नियमित योग कक्षा सुरु करे जाही। (chhattisgarh) एला स्मार्ट सिटी प्रोजेक्ट ले घलो जोड़े जाही। एखर संगेसंग कोविड के स्थिति ल धियान म रखत हुए आन नगरीय निकाय म योग कक्षा अउ ग्रामीण क्षेत्र म योग सिविर के आयोजन ल सितम्बर ले दिसम्बर महीना म करे जाही।
(chhattisgarh ) समाज कल्याण मंत्री अनिला भेंड़िया के अध्यक्षता में आज मंत्रालय महानदी भवन म आयोजित योग आयोग के चौथईया साधारण सभा के बइठक म कतकोन महत्वपूर्ण निर्णय ले गेहे। बइठक म योग आयोग के अध्यक्ष ज्ञानेश शर्मा, सदस्य रविन्द्र सिंह, गणेश योगी अउ राजेश नारा घलो सामिल होइन हे।
बइठक म यूनिसेफ के सहयोग ले हेल्थ एण्ड वेलनेस सेंटर अउ प्राथमिक स्वास्थ्य केन्द्र म गर्भवती महिला मन बर योग कारीकरम आयोजित करे जाय म घलो सहमति दे गेहे। पायलेट प्रोजेक्ट के रूप म एखर सुरुवात कोण्डागांव जिला ले करे जाही।
