प्रधानमंत्री स्वनिधि योजना ले मिलत हे लाभ, छोटे व्यवसायी मन होवत हे संबल
रायपुर। केन्द्र सरकार ह छोटे व्यवसायी मन ल उखर कारोबार बर सहजता ले ऋण प्रदान करे बर संचालित प्रधानमंत्री स्वनिधि योजना ले सैकड़ों रेहड़ी-पटरी वाला, ठेले वाला अउ शहरी पथ विक्रेता लाभान्वित होवत हे। ए योजना के तहत छोटे व्यवसायी मन के आर्थिक स्थिति ल डेटाबेस तैयार करके उऱप स्क्रीनिंग करे जात हे, जेखर ले ओमन ल विभिन्न कल्याणकारी योजना के लाभ मिल सकय।
बलरामपुर-रामानुजगंज जिला म ए योजना ले कतको व्यवसायी लाभान्वित होवत हें अउ उखर जिनगी म बदलाव आए हे। ग्राम जतरो निवासी सुधीर मंडल, जेन नगर पालिका परिषद बलरामपुर के सब्जी बाजार म सब्जी बेचत रिहीन, कोविड-19 के लॉकडाउन म आर्थिक तंगी के सेती अपन व्यवसाय ल बंद करे म मजबूर हो गे हे। प्रधानमंत्री स्वनिधि योजना के तहत सुधीर मंडल ह पहली 10 हजार के ऋण लिन अउ एखर बाद 20 हजार के द्वितीय ऋण प्राप्त करिन। बैंक ह उखर अच्छा लेन-देन ल देखत 50 हजार रूपया के सीसी लोन स्वीकृत करे गिस, जेन अब बाढ़के एक लाख रूपया कर देय गे हे। आज सुधीर मंडल सब्जी मंडी ले सब्जी खरीद के थोक विक्रेता मन ल बेचत हे अउ प्रतिदिन 3-5 हजार रूपया तक के आय अर्जित करत हे। उखर परिवार अब आर्थिक रूप ले आत्मनिर्भर हो गे हे।
नगर पालिका परिषद बलरामपुर म अब तक 332 स्ट्रीट वेंडर्स ह योजना के तहत ऋण बर आवेदन करे हे, जेमा ले 223 वेंडर्स ल ऋण स्वीकृत हो चुके हे। 170 वेंडर्स ल 10 हज़ार रुपया के मान ले प्रथम ऋण के रूप म 17 लाख रुपया, 49 वेंडर्स ल 20 हजार रुपया के मान ले 9.80 लाख रुपया अउ 4 वेंडर्स ल 50 हजार रूपया के मान ले कुल दु लाख रूपया के तृतीय ऋण प्रदान करे गे हे।
